(559) SOUS LE RÈGNE DE CHARLES Vl. 319

l'un de ses trois heritiers, la somme de trois mille deux cens livres Parisis, et ou cas que le dit Phelippe yroit de vie à trespassement avant le dit testateur, en ce cas il laissa et laisse ycelle somme à Dyne et Jaques, les deux plus ainsnez filz d'icellui Phelippe, à chascun la moitié.

Item, le dit.testateur laissa à chascune des deux filles du dit Phelippe, son frere, pour les aidier à marier, la somme de huit cens livres Parisis, et ou cas que elles yroient de vie à trespassement, ou aucune d'elles, avant le dit Phelippe leur pere, en ce cas ycellui testateur voult et fu content que ycellui laiz soit et demeure au dit Phelippe, son frere, ainsi et par la maniere que les trois mil deux cens livres Parisis à lui laissiez, comme dit est; et se après la mort d'icellui Phelippe aucune d'elles aloit de vie à trespassement sans hoir de son corps, le dit testateur voult que le dit laiz à elle fait revieigne à ses diz heritiers, et ou cas que les dictes filles surviveroient leur dit pere et après yroient de vie à trespassement avant que elles feussent mariées, ou l'une d'elles, en ce cas le dit testateur voult et ordonna ce present laiz retourner à ses diz heritiers.

Item, il laissa encore au dit Phelippe Raponde, son frere, toutes les maisons, rentes, possessions et revenues qu'il avoit et povoit avoir de son conquest en la dicte ville de Bruges et en tout le païs de Flandres, et ou cas que le dit Phelippe yroit de vie à trespassement avant le dit testateur, en ce cas il les laissa et laisse à Jaques Raponde, son frere.

Item, le dit testateur dist et afferma pour verité que pieça, pour certaines bonnes et justes causes qui à ce le mouvoient, il donna au dit Jaques Raponde, son frere, la somme de vint mil escuz d'or àla couronne, du coing du roy nostre dit seigneur, de xvm solz Parisis la piece, monnoye courant à present, que ycellui testateur lui bailla et nombra des lors en or comptant, et que depuis il avoit eu et receu du dit Jaques en sa garde et commande la dicte somme de vint mil escuz d'or, que ycellui Jaques lui avoit baillée et delivrée reaiment et de fait en or, et, comme deniers, à lui baillez en sa garde et commande, les avoit promis



	(559) SOUS LE RÈGNE DE CHARLES Vl. 319 l'un de ses trois heritiers, la somme de trois mille deux cens livres Parisis, et ou cas que le dit Phelippe yroit de vie à trespassement avant le dit testateur, en ce cas il laissa et laisse ycelle somme à Dyne et Jaques, les deux plus ainsnez filz d'icellui Phelippe, à chascun la moitié. Item, le dit.testateur laissa à chascune des deux filles du dit Phelippe, son frere, pour les aidier à marier, la somme de huit cens livres Parisis, et ou cas que elles yroient de vie à trespassement, ou aucune d'elles, avant le dit Phelippe leur pere, en ce cas ycellui testateur voult et fu content que ycellui laiz soit et demeure au dit Phelippe, son frere, ainsi et par la maniere que les trois mil deux cens livres Parisis à lui laissiez, comme dit est; et se après la mort d'icellui Phelippe aucune d'elles aloit de vie à trespassement sans hoir de son corps, le dit testateur voult que le dit laiz à elle fait revieigne à ses diz heritiers, et ou cas que les dictes filles surviveroient leur dit pere et après yroient de vie à trespassement avant que elles feussent mariées, ou l'une d'elles, en ce cas le dit testateur voult et ordonna ce present laiz retourner à ses diz heritiers. Item, il laissa encore au dit Phelippe Raponde, son frere, toutes les maisons, rentes, possessions et revenues qu'il avoit et povoit avoir de son conquest en la dicte ville de Bruges et en tout le païs de Flandres, et ou cas que le dit Phelippe yroit de vie à trespassement avant le dit testateur, en ce cas il les laissa et laisse à Jaques Raponde, son frere. Item, le dit testateur dist et afferma pour verité que pieça, pour certaines bonnes et justes causes qui à ce le mouvoient, il donna au dit Jaques Raponde, son frere, la somme de vint mil escuz d'or àla couronne, du coing du roy nostre dit seigneur, de xvm solz Parisis la piece, monnoye courant à present, que ycellui testateur lui bailla et nombra des lors en or comptant, et que depuis il avoit eu et receu du dit Jaques en sa garde et commande la dicte somme de vint mil escuz d'or, que ycellui Jaques lui avoit baillée et delivrée reaiment et de fait en or, et, comme deniers, à lui baillez en sa garde et commande, les avoit promis